"Наполи" "Вулверхэмптон" ярим ҳимоячиси Жоао Гомес билан маош ва шартнома муддати борасида келишиб олди. Бироқ, Италия чемпиони ҳозирча "бўрилар" билан 24 ёшли футболчининг трансфери бўйича келишувга эриша олмади. Бу ҳақда Caught Offside хабар бермоқда.
Манбага кўра, "Манчестер Юнайтед" бразилиялик футболчини ёздан буён кузатиб келмоқда. Манкунианликлар Гомесни 33 ёшли Каземиро клубни тарк этганидан кейин ярим ҳимоя чизиғига ишонч олиб кирадиган футболчи сифатида кўрмоқда.
Жорий мавсумда "бўрилар" ярим ҳимоячиси барча мусобақаларда 24 та ўйинда майдонга тушиб, 1 та голли узатма муаллифи бўлди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 40 млн еврони ташкил этади.
