"Vikipediya" internet-ensiklopediyasi loyihaning 25 yillik tarixida saytda eng ko‘p ko‘rilgan 25 ta maqola reytingini e’lon qildi. Ma’lumotlar "Vikipediya" egasi bo‘lgan Wikipedia jamg‘armasi tomonidan taqdim etilgan va Popular Science ilmiy-ommabop jurnali veb-saytida e’lon qilingan.
Reytingga ko‘ra, Krishtianu Ronalduning "Vikipediya"dagi sahifasi 209 million martadan ortiq ko‘rilgan, bu tarixdagi oltinchi natijadir. Argentinalik Lionel Messining sahifasi 169 mln marta ko‘rildi va 11-o‘rinni egallab, Adolf Gitler va Eminem haqidagi maqolalarni ortda qoldirdi.
