Saudiya Arabistoni chempionatining 16-turida "Al-Hilol" safarda "Neom"ni mag‘lub etdi - 2:1.

O‘yinning 42-daqiqasida hisobni mezbonlar himoyachisi Muhammad Al-Burayk ochdi. Oradan 7 daqiqa o‘tib, "Al-Hilol" Hassan Al-Tambaktining goli evaziga javob qaytardi. Uchrashuvning 66-daqiqasida Ruben Nevesh penaltidan gol urib, mehmonlarga g‘alaba keltirdi.

"Al-Hilol" barcha turnirlarda ketma-ket 20-g‘alabani qo‘lga kiritdi. Simone Indzagi jamoasi oxirgi marta 19 sentyabr kuni 3-turda "Al-Ahli"ga qarshi o‘yinda (3:3) ochko yo‘qotgandi.

"Al-Hilol" 41 ochko bilan musobaqa jadvalida peshqadamlik qilmoqda va "An-Nasr"ni 7 ochkoga ortda qoldirgan. "Neom" (20) ketma-ket uchinchi mag‘lubiyatini qabul qilib oldi va o‘ninchi o‘rinda bormoqda.

Neom - Al-Hilol - 1:2

Gollar: Al-Burayk, 42 (1:0). Al-Tambakti, 49 (1:1). Ruben Nevesh, 66 - penaltidan (1:2)

Neom: Mashimianu, Xegazi, Al-Saluli (Al-Ali, 83), Abdi (Xavsavi, 73), X. Al-Davsari, Al-Faraj (Abdu, 90), Kone, Benrama, Al-Burayk (Rodriges, 73), Buabre, Lyakazett (Al-Xaibri, 83)

Al-Hilol Ar-Riyod: M. Al-YAmi, Mari (Al-Arbi, 76), Al-Tambakti (Lajami, 90), Ernandez, X. Al-YAmi, Ruben Nevesh, Milinkovich-Savich, Kanno, Malkom (Kayo Sezar, 90), Nunyes (Al-Xamdan, 90), Markus Leonardu (N. Al-Davsari, 76)

Ogohlantirishlar: Abdi, 65 - Milinkovich-Savich, 44. Mari, 63