Саудия Арабистони чемпионатининг 16-турида "Ал-Ҳилол" сафарда "Неом"ни мағлуб этди - 2:1.

Ўйиннинг 42-дақиқасида ҳисобни мезбонлар ҳимоячиси Муҳаммад Ал-Бурайк очди. Орадан 7 дақиқа ўтиб, "Ал-Ҳилол" Ҳассан Ал-Тамбактининг голи эвазига жавоб қайтарди. Учрашувнинг 66-дақиқасида Рубен Невеш пенальтидан гол уриб, меҳмонларга ғалаба келтирди.

"Ал-Ҳилол" барча турнирларда кетма-кет 20-ғалабани қўлга киритди. Симоне Индзаги жамоаси охирги марта 19 сентябрь куни 3-турда "Ал-Аҳли"га қарши ўйинда (3:3) очко йўқотганди.

"Ал-Ҳилол" 41 очко билан мусобақа жадвалида пешқадамлик қилмоқда ва "Ан-Наср"ни 7 очкога ортда қолдирган. "Неом" (20) кетма-кет учинчи мағлубиятини қабул қилиб олди ва ўнинчи ўринда бормоқда.

Неом - Ал-Ҳилол - 1:2

Голлар: Ал-Бурайк, 42 (1:0). Ал-Тамбакти, 49 (1:1). Рубен Невеш, 66 - пенальтидан (1:2)

Неом: Машимиану, Хегази, Аль-Салули (Ал-Али, 83), Абди (Хавсави, 73), Х. Ал-Давсари, Ал-Фараж (Абду, 90), Коне, Бенрама, Ал-Бурайк (Родригес, 73), Буабре, Ляказетт (Ал-Хаибри, 83)

Ал-Ҳилол Ар-Риёд: М. Ал-Ями, Мари (Ал-Арби, 76), Ал-Тамбакти (Лажами, 90), Эрнандез, Х. Ал-Ями, Рубен Невеш, Милинкович-Савич, Канно, Малком (Кайо Сезар, 90), Нуньес (Ал-Хамдан, 90), Маркус Леонарду (Н. Ал-Давсари, 76)

Огоҳлантиришлар: Абди, 65 - Милинкович-Савич, 44. Мари, 63