Qishki transfer oynasida "Arsenal"ning "Real" yarim himoyachisi Arda Gyulerni sotib olishga urinishi ehtimoli past. Bu haqda ESPN xabar bermoqda.
Manba ma’lumotiga ko‘ra, «kanonirlar» Gyulerga bo‘lgan qiziqishni saqlab qolmoqda, ammo yarim himoyachini transfer qilish bo‘yicha jiddiy qadamlar faqat yozda rejalashtirilgan. Shu bilan birga, agar kutilmagan holat yuz bersa, «Arsenal» yanvar oyida ham kelishuvga kirishi istisno etilmaydi.
Ayni paytda turk OAVlar yaqin vaqt ichida Gyuler «Real»ni tark etishni rejalashtirmayotganini ma’lum qilmoqda.
Joriy mavsumda 20 yoshli yarim himoyachi barcha musobaqalarda 30 ta o‘yinda maydonga tushib, 3 ta gol urdi va 10 ta golli uzatmani amalga oshirdi.
