"Milan" bosh murabbiyi Massimiliano Allegri A Seriyaning 21-turida jamoasi "Lechche" qarshiligini qanday yengib o‘tgani haqida fikr bildirdi.

«Rossonerilar» o‘z maydonida 1:0 hisobida minimal g‘alabaga erishdi. Uchrashuvdagi yagona golni Niklas Fyullkrug kiritdi.

Allegrining aytishicha, «Lechche» raqiblarini tez-tez ofsaydga tushirish bilan ajralib turadi va «Milan» hujumchilari ham ko‘p hollarda shunday vaziyatga tushib qolgan.

«Statistikani ko‘rib chiqdim: jamoa o‘tkazib yuborgan gollarning deyarli yarmini so‘nggi 15 daqiqada qabul qilgan. Bu jamoa yaxshi ishlayotganini, biroq oxiriga kelib charchashini anglatadi», — dedi Allegri Football Italia nashriga bergan intervyusida.

Shuningdek, «Milan» ustozi uchrashuv davomida beshta o‘zgarish qilish imkoniyati unga katta yordam berganini ham qo‘shimcha qildi.