Dam olish kunlari "Real" uy maydonida "Levante"ni qabul qilib, 2:0 hisobida g‘alaba qozondi va muxlislarini xursand qildi. Biroq o‘yindan oldin "qaymoqranglilar" muxlislari jamoadan norozilik bildirib, ayrim futbolchilarni hushtakbozlik bilan qarshi olgan.
The Touchline qayd etishicha, shanba kuni "Real" muxlislari faqat ikki nafar futbolchiga hushtakbozlik qilmagan. Ular Kilian Mbappe va Gonsalo Garsiya.
Ayni paytda Vinisius Junior eng ko‘p hushtakbozlikka duch kelgan futbolchi bo‘ldi, bu esa braziliyalikni jiddiy xafa qilgan.
"Real" uchun navbatdagi o‘yin ham uyda bo‘lib o‘tadi — seshanba kuni Alvaro Arbeloa jamoasi Chempionlar ligasi doirasida "Monako"ni qabul qiladi.
