Дам олиш кунлари "Реал" уй майдонида "Леванте"ни қабул қилиб, 2:0 ҳисобида ғалаба қозонди ва мухлисларини хурсанд қилди. Бироқ ўйиндан олдин "қаймоқранглилар" мухлислари жамоадан норозилик билдириб, айрим футболчиларни ҳуштакбозлик билан қарши олган.
The Touchline қайд этишича, шанба куни "Реал" мухлислари фақат икки нафар футболчига ҳуштакбозлик қилмаган. Улар Килиан Мбаппе ва Гонсало Гарсия.
Айни пайтда Винисиус Жуниор энг кўп ҳуштакбозликка дуч келган футболчи бўлди, бу эса бразилияликни жиддий хафа қилган.
"Реал" учун навбатдаги ўйин ҳам уйда бўлиб ўтади — сешанба куни Альваро Арбелоа жамоаси Чемпионлар лигаси доирасида "Монако"ни қабул қилади.
