Dunyoning to‘rtinchi raketka ustasi, “katta dubulg‘a” turnirlarining 24 karra g‘olibi Novak Jokovich 2026 yilgi Avstraliya ochiq chempionatining birinchi turida jahon reytingida 71-o‘rinni egallab turgan ispaniyalik Pedro Martines-Porteroni 6:3, 6:2, 6:2 hisobida mag‘lub etdi.

Bu serbiyalik 37 yoshli tennischi uchun Avstraliya ochiq chempionatidagi 100‑g‘alaba bo‘ldi.

Shu tariqa, Avstraliya ochiq chempionati Jokovich 100 g‘alabaga erishgan uchinchi “katta dubulg‘a” turniri sifatida qayd etildi. Bunga qadar u “Uimbldon” (102 g‘alaba) va “Rolan Garros” (101 g‘alaba) turnirlarida shunday natijaga erishgan edi.

Ushbu ko‘rsatkich bo‘yicha Jokovich dunyoning sobiq birinchi raketkasi, shveysariyalik Rojer Federerini ortda qoldirdi. Federer ikki Grand Slam turnirida 100 g‘alabaga erishgan: “Uimbldon” (105 g‘alaba) va Avstraliya ochiq chempionati (102 g‘alaba). Shuningdek, Jokovich US Open'da 95 ta g‘alabaga ega.