Дунёнинг тўртинчи ракетка устаси, “катта дубулға” турнирларининг 24 карра ғолиби Новак Жокович 2026 йилги Австралия очиқ чемпионатининг биринчи турида жаҳон рейтингида 71-ўринни эгаллаб турган испаниялик Педро Мартинес-Портерони 6:3, 6:2, 6:2 ҳисобида мағлуб этди.
Бу сербиялик 37 ёшли теннисчи учун Австралия очиқ чемпионатидаги 100‑ғалаба бўлди.
Шу тариқа, Австралия очиқ чемпионати Жокович 100 ғалабага эришган учинчи “катта дубулға” турнири сифатида қайд этилди. Бунга қадар у “Уимблдон” (102 ғалаба) ва “Ролан Гаррос” (101 ғалаба) турнирларида шундай натижага эришган эди.
Ушбу кўрсаткич бўйича Жокович дунёнинг собиқ биринчи ракеткаси, швейцариялик Рожер Федерерини ортда қолдирди. Федерер икки Гранд Слам турнирида 100 ғалабага эришган: “Уимблдон” (105 ғалаба) ва Австралия очиқ чемпионати (102 ғалаба). Шунингдек, Жокович US Open'да 95 та ғалабага эга.
