"Manchester Siti" himoyachisi Mark Gexi klubga o‘tganidan keyingi his-tuyg‘ulari bilan o‘rtoqlashdi.

Ma’lumki, "shaharliklar" futbolchini "Kristal Pelas"dan 20 million funt sterling va bonuslar evaziga sotib oldi.

"Bunday ulkan klubga o‘tish va shu yerda o‘ynash men uchun katta sharaf. Men doim yaxshiroq bo‘lish istagi bilan yashayman, bu yo‘lda tinmay harakat qilaman. Bu klub esa aynan shu maqsad uchun ideal joy.

Men "Man Siti" va uning muxlislari haqida juda ko‘p yaxshi gaplarni eshitganman. Bu yerda o‘sish va rivojlanish uchun juda qulay muhit bor. Umid qilamanki, shu yerdagi har bir insonga yordam berish uchun qo‘limdan kelgan barcha ishni qila olaman", — dedi Gexi.

"Manchester Siti" yutuqlari haqida

"Bu mutlaq ustunlik edi, klub nimalarga erishganini kuzatish juda yoqimli bo‘ldi. Klub doimiy ravishda o‘sishni xohlaydi va shu yo‘lda intiladi — bu ajoyib. Men esa faqat yordam berishni, o‘z hissamni qo‘shishni va klub qay darajagacha bora olishini ko‘rishni istayman", — deya qo‘shimcha qildi Mark Gexi.