Xans-Diter Flikning "Barselona" bilan amaldagi shartnomasi 2027 yil o‘rtalarigacha mo‘ljallangan. Kataloniya jamoasining yulduz vingeri Rafinya Flikni klubdagi eng muhim shaxs deb hisoblaydi. Braziliyalik futbolchi Flikka hatto jamoadagi istalgan sherigidan ham yaqinroq ekani ta’kidlanmoqda.
The Touchline ma’lumotiga ko‘ra, Rafinya agar Xans-Diter Flik bosh murabbiylik lavozimini tark etsa, "Barselona"ni tark etishga ham tayyor.
"Rafinya o‘z atrofidagilarga shunday degan: "Agar Flik ketsa, men ham jomadonlarimni yig‘ishni boshlayman", — deya manba so‘zlarini keltiradi nashr.
Qayd etilishicha, Rafinya avval ham bir necha bor agar Flik jamoaga kelmaganida jamoani tark etgan bo‘lishini aytgan.
"Barselona" navbatdagi o‘yinini 21 yanvar kuni Chempionlar ligasida "Slaviya"ga qarshi o‘tkazadi.
