Madridning "Real" klubi yarim himoyachisi Jud Bellingem muxlislarning xatti-harakatlari haqidagi savolga javob berdi.
Seshanba kuni "qaymoqranglilar" Chempionlar ligasida "Monako"ni yirik hisobda mag‘lub etib (6:1), "Santyago Bernabeu"ga tashrif buyurganlarni xursand qildi. Avvalgi uchrashuvlarda "Real" muxlislari ochiqchasiga norozilik bildirib, jamoa futbolchilariga hushtakbozlik qilib, klub prezidenti Florentino Peresni iste’foga chiqishga chaqirgan edi.
"Muxlislar chipta sotib olish va "Real" o‘yiniga tashrif buyurish uchun hafta davomida ishlashadi. Ular qanday bo‘lishidan qat’i nazar, o‘z fikrlarini bildirish huquqiga ega. Menimcha, biz bunga juda yaxshi munosabat bildirdik. Menimcha, bugungi harakatlarimiz muxlislar ko‘rishni istaydigan narsa," - dedi Bellingem TNT Sports nashriga bergan intervyusida.













