"Liverpul" jamoasi bosh murabbiyi Arne Slot "Marsel"ga qarshi kechgan o‘yinda jamoasi hujumchisi Muhammad Salohning o‘yiniga baho berdi.

Chempionlar ligasi umumiy bosqich 7-turidan o‘rin olgan uchrashuv Fransiyada bo‘lib o‘tdi va 3:0 hisobida angliyaliklar foydasiga hal bo‘ldi. Saloh bellashuvning 83-daqiqasida maydonga tushib, samarali harakatlari bilan o‘zini ko‘rsatishga ulgurmadi.

"U biz bilan anchadan beri birga, shuning uchun jamoadoshlarini biladi va qanday o‘ynashni xohlayotganimizni biladi va bu bizga yordam beradi. Bir oyni jamoadan uzoqda o‘tkazgandan so‘ng, u 90 daqiqa o‘ynashga tayyor edi, bu uning ulkan professionalligidan dalolat beradi", - deya Slotning so‘zlarini keltiradi klub matbuot xizmati.

Joriy mavsumda misrlik futbolchi 21 ta o‘yinda maydonga tushib, beshta gol va to‘rtta assistni o‘z hisobiga yozdirib qo‘ydi.