"Real" yana futbol klublari o‘rtasida daromadlar bo‘yicha jahon yetakchisiga aylandi.

Deloitte auditorlik kompaniyasi dunyo futbol klublarining 2024/25 yilgi mavsumdagi daromadlarini tahlil qildi.

"Real" ketma-ket uchinchi marta reyting yetakchisiga aylandi - o‘tgan mavsumda klub 1,161 mlrd yevro ishlab oldi. Madridliklarning o‘tgan hisobot davridagi daromadi 1,046 milliard yevroni tashkil etdi - "Real" bir yil ichida 1 milliard yevrodan ko‘proq pul ishlashga muvaffaq bo‘lgan tarixdagi birinchi klubga aylandi.

Qayd etilishicha, "Real"ning tijoriy daromadlari o‘tgan mavsumga nisbatan 23 foizga - 593,6 mln yevroga o‘sgan, bunga tovarlar savdosining yaxshilanishi va yangi tijoriy hamkorlarning paydo bo‘lishi yordam bergan.

Shu bilan birga, klubning o‘yin kunlaridagi daromadi 6 foizga kamayib, 232,5 million yevroni tashkil etdi. TV-translyasiyalarda "qaymoqranglilar" 334,9 million yevro ishlab topdi.