"Реал" яна футбол клублари ўртасида даромадлар бўйича жаҳон етакчисига айланди.

Deloitte аудиторлик компанияси дунё футбол клубларининг 2024/25 йилги мавсумдаги даромадларини таҳлил қилди.

"Реал" кетма-кет учинчи марта рейтинг етакчисига айланди - ўтган мавсумда клуб 1,161 млрд евро ишлаб олди. Мадридликларнинг ўтган ҳисобот давридаги даромади 1,046 миллиард еврони ташкил этди - "Реал" бир йил ичида 1 миллиард евродан кўпроқ пул ишлашга муваффақ бўлган тарихдаги биринчи клубга айланди.

Қайд этилишича, "Реал"нинг тижорий даромадлари ўтган мавсумга нисбатан 23 фоизга - 593,6 млн еврога ўсган, бунга товарлар савдосининг яхшиланиши ва янги тижорий ҳамкорларнинг пайдо бўлиши ёрдам берган.

Шу билан бирга, клубнинг ўйин кунларидаги даромади 6 фоизга камайиб, 232,5 миллион еврони ташкил этди. ТВ-трансляцияларда "қаймоқранглилар" 334,9 миллион евро ишлаб топди.