Angliyaning "Aston Villa" klubi Yevropa ligasi doirasidagi navbatdagi o‘yinida Turkiyaning "Fenerbaxche" klubini mag‘lub etdi, yagona golga Jeydon Sancho mualliflik qildi. O‘yindan keyin u muvaffaqiyatga izoh berdi.
- Xursandman. Klubdagi ilk golimni urdim va u g‘alaba keltirdi. Bu juda yoqimli. Murabbiy menga o‘zimdan eng yaxshisini ko‘rsatishga yordam beradi. Umid qilamanki, tez orada "Aston Villa"da yanada ko‘proq gol kiritaman" - deya Sanchoning so‘zlarini keltiradi BBC Sport.
Eslatib o‘tamiz, futbolchining huquqi "Manchester Yunayted"ga tegishli bo‘lib, u Birmingemga o‘tgan yilning sentyabr oyining birinchi kunida ko‘chib o‘tgan edi.
