"Galatasaroy" "Atletiko"ga Tyago Almadani ijaraga olish uchun 3 mln yevrodan ko‘proq mablag‘ taklif qildi, deb xabar bermoqda jurnalist Santi Auna.
Turk klubi forvardning maoshini to‘liq qoplab berishga tayyor. Sotib olish varianti hali ham muhokama qilinmoqda.
Argentinalik "Galatasaroy" loyihasiga katta qiziqish bildirmoqda va allaqachon bosh murabbiy Okan Buruk bilan suhbatlashgan. O‘yinchi transferga rozilik berdi.
Almada "Atletiko"ga o‘tgan yilning yozida "Botafogo"dan 21 mln yevro evaziga o‘tgan edi. Futbolchi "matraschilar" bilan 5 yillik shartnoma imzoladi.
La Liganing joriy mavsumida 24 yoshli Almada 12 ta o‘yinda 2 ta gol va 1 ta golli uzatmaga mualliflik qildi.
