"Real Madrid" bosh murabbiyi Alvaro Arbeloa "Vilyarreal"ga qarshi o‘yin oldidan jurnalistlar bilan suhbatlashdi.
La Liganing 21-tur uchrashuvi 24 yanvar kuni bo‘lib o‘tadi.
"Vilyarreal ajoyib raqib, ammo biz g‘alaba qozonish uchun qanday o‘ynashimiz kerakligini bilamiz.
Menimcha, bu bizning eng qiyin safar o‘yinlarimizdan biri bo‘ladi. Ha, biz ba’zi qiyinchiliklarga duch keldik, ammo "Monako"ga qarshi o‘yin burilish nuqtasi bo‘lishi mumkin. Umid qilamanki, bu haqiqiy o‘zgarish bo‘ladi.
Men futbolchilarning ishtiyoqini ko‘rdim va umid qilamanki, biz bu tezlikni saqlab qolamiz. Rodrigo qaytdi va ertaga o‘ynashga tayyor", - dedi murabbiy.
