Ispaniya chempionatining 21-turida "Atletiko" o‘z maydonida "Malyorka"ni tor-mor etdi - 3:0.

Gollarga Aleksander Syorlot, Tyago Almada va David Lopes (avtogol) mualliflik qildi.

"Atletiko" La Ligada mag‘lubiyatsiz seriyasini davom ettirdi - 4 g‘alaba va 1 durang. Diyego Simeone jamoasi ochkolarini 44taga yetkazib, musobaqa jadvalida uchinchi o‘rinda bormoqda.

"Malyorka" so‘nggi 4 o‘yinda uchinchi mag‘lubiyatini qabul qilib oldi va 21 ochko bilan 16-o‘rinda bormoqda.

Atletiko - Malyorka - 3:0

Gollar: Syorlot, 22 (1:0). Lopes, 75 - o‘z darvozasiga (2:0), Almada, 87 (3:0).

Atletiko: Oblak, Ximenes, Pubil, Gansko, Lyorente, Kardozo (Le Norman, 73), Barrios, Baena (Gonsales, 59), Simeone (Koke, 79), Syorlot (Almada, 72), Alvares

Malyorka: Roman, Valyent, Lopes, Moxika, Maffeo (Morey, 74), Maskarel, Koshta (Lyabres, 88), Darder (Pablo Torre, 74), Sanches (Asano, 63), Murichi, Djozef (Virxili, 63)

Ogohlantirishlar: Ximenes, 55. Gonsales, 62 - Lopes, 86