"Manchester Siti" bosh murabbiyi Pep Gvardiola APLning "Vulverxempton"ga (2:0) qarshi o‘yini hakamini nega tanqid qilganiga izoh berdi.
"Ular bir-birlarini himoya qilishadi, bu mutlaqo tushunarli. Ular shunday qilishlari kerak. Lekin ba’zida klubimni himoya qilishimga to‘g‘ri keladi.
O‘tgan mavsumda, 10 yil ichidagi eng yomon mavsumda hakamlarni necha marta tanqid qildim? Hech qachon. "Manchester Yunayted"dan mag‘lubiyatdan keyin hakamlar haqida qanday fikrda edim? 10 yil davomida hakamlarga nihoyatda hurmat bilan munosabatda bo‘ldim, hech qachon hech narsaga izoh bermadim. Agar shunday qilsam, buning uchun menda asosli dalillar bor, hamma sabab shu.
Lekin men bilaman, ular bir-birlarini himoya qilishadi, ekspertlar, hamma bir-birini himoya qiladi - men buni juda yaxshi tushunaman. Ammo men har doim o‘z futbolchilarimni, klubimni, odamlarimni himoya qilaman", - dedi Pep.
