Germaniyalik darvozabon Mark-Andre ter Shtegen "Barselona"ni tark etib, "Jirona"ga yo‘l oldi. Kataloniyaliklar ustozi Michel Markning birinchi o‘yiniga baho berdi.
"Uni men tanladim, u hali ham eng yaxshi darvozabonlar qatoriga kiradi," - deya jamoa muxlislariga ta’kidladi uning ustozi Michel.
"U biz uchun fantastik debyut o‘tkazdi, oyoq bilan o‘ynashda, maydonni ko‘rishda juda foydali. Men uni nafaqat darvozabon sifatida, balki maydondagi o‘yinchi sifatida ham taklif qilardim," - deydi "Jirona" ustozi.
Ayni damda Kataloniya klubi Ispaniya chempionati turnir jadvalida to‘qqizinchi o‘rinni egallab turibdi. La Liganing navbatdagi turida "Jirona" yanvar oyining so‘nggi kunida "Ovyedo"ga qarshi bahs olib boradi.
