Fevral oyining birinchi oqshomida Premyer-ligada "Tottenxem" va "Manchester Siti" klublari o‘zaro bahs olib boradi. London klubining bir guruh muxlislari norozilik namoyishiga tayyorgarlik ko‘rmoqda. "Change for Tottenham" guruhi vakillari klubda o‘zgarish bo‘lishini istamoqda. Ular o‘yinga borganlarning barchasini hisobdan qat’i nazar, 75-daqiqada stadionni tark etishga chaqirdi.

"O‘yin jonli efirda namoyish etiladi. Butun dunyo tomosha qiladi. Bu kuchli bayonot bo‘ladi. Agar stadion bo‘shab qolsa, xabar aniq bo‘ladi. Agar biz jim o‘tiradigan bo‘lsak, rahbariyat yana bizni e’tiborsiz qoldiradi," - deyiladi bir guruh muxlislar bayonotida.

"Tottenxem" muxlislari guruhi natijalardan va klubning transfer bozorida ambisiyalari yo‘qligidan norozi.