Февраль ойининг биринчи оқшомида Премьер-лигада "Тоттенхэм" ва "Манчестер Сити" клублари ўзаро баҳс олиб боради. Лондон клубининг бир гуруҳ мухлислари норозилик намойишига тайёргарлик кўрмоқда. "Change for Tottenham" гуруҳи вакиллари клубда ўзгариш бўлишини истамоқда. Улар ўйинга борганларнинг барчасини ҳисобдан қатъи назар, 75-дақиқада стадионни тарк этишга чақирди.
"Ўйин жонли эфирда намойиш этилади. Бутун дунё томоша қилади. Бу кучли баёнот бўлади. Агар стадион бўшаб қолса, хабар аниқ бўлади. Агар биз жим ўтирадиган бўлсак, раҳбарият яна бизни эътиборсиз қолдиради," - дейилади бир гуруҳ мухлислар баёнотида.
"Тоттенхэм" мухлислари гуруҳи натижалардан ва клубнинг трансфер бозорида амбициялари йўқлигидан норози.
