Xalqaro futbol tarixi va statistikasi federasiyasi (IFFHS) UYEFAning 2025 yil ramziy terma jamoasini e’lon qildi. Ushbu ro‘yxatdan 2025-yilgi “Oltin to‘p” sohibi, fransiyalik hujumchi Usmon Dembele, shuningdek, norvegiyalik futbolchi Erling Holand va fransiyalik hujumchi Kilian Mbappe joy oldi.

Ramziy terma jamoaga quyidagi futbolchilar kiritildi:

Darvozabon: Janluiji Donnarumma (“Manchester Siti” / “PSJ”, Italiya);

Himoyachilar: Vilyam Saliba (“Arsenal”, Fransiya), Virjil van Deyk (“Liverpul”, Niderlandiya), Nunu Mendesh (“Pari Sen-Jermen”, Portugaliya);

Yarim himoyachilar: Vitinya (“PSJ”, Portugaliya), Pedri (“Barselona”, Ispaniya), Lamin Yamal (“Barselona”, Ispaniya);

Hujumchilar: Erling Holand (“Manchester Siti”, Norvegiya), Kilian Mbappe (“Real”, Fransiya), Harri Keyn (“Bavariya”, Angliya), Usmon Dembele (“PSJ”, Fransiya).

Ma’lumot uchun, o‘tgan mavsumda “PSJ” Yevropa Chempionlar ligasi, Fransiya chempionati, mamlakat Kubogi va Superkubogini qo‘lga kiritdi. Shuningdek, Parij klubi klublar o‘rtasidagi Jahon chempionati finaligacha yetib bordi hamda UYEFA Superkubogida ham g‘alaba qozondi.