«Elche» bosh murabbiyi Eder Sarabiya «Barselona»ga qarshi bo‘ladigan o‘yin haqida fikr bildirdi.

Kataloniya grandi uchun safarda o‘tadigan uchrashuv La Liganing 22-turi doirasida shanba kuni bo‘lib o‘tadi.

«Biz uchun “Barselona”ning pressingini yengib o‘tish va o‘yinni raqib maydoniga ko‘chirish muhim bo‘ladi. “Barsa” raqib yarim maydonida to‘pga egalik qilganda dunyodagi eng kuchli jamoalardan biri, shuning uchun biz bunga yo‘l qo‘ymaslikka harakat qilamiz.

Ayrim paytlarda “Barselona” bizdan ustun bo‘ladi, ammo biz xavfli qarshi hujumlar bilan javob qaytarishimiz mumkin. Birinchi davradagi o‘yin bizga ko‘p narsani o‘rgatdi — foydali tajriba oldik. Biz jasorat bilan harakat qilishimiz va imkon qadar uzoq vaqt ularga gol urishga yo‘l qo‘ymasligimiz kerak», — deya Sarabiyaning so‘zlarini keltiradi Barca Universal.