«Benfika» maydonida «Real» 2:4 hisobida mag‘lub bo‘lib, ECHL 1/8 finaliga to‘g‘ridan-to‘g‘ri yo‘llanmadan mahrum bo‘ldi. "Qaymoqranglilar" hujumchisi Rodrigo ikkinchi taym boshida zaxiradan maydonga tushdi, ammo qo‘shimcha daqiqalarda maydondan chetlatildi. Braziliyalik futbolchi qisqa vaqt ichida ikki bor sariq kartochka oldi.
Oradan qariyb bir kun o‘tib, Rodrigo bayonot berdi:
«Kecha vaqt cho‘zilayotganiga e’tiroz bildirib, his-tuyg‘ularga berildim. Bu mening uslubim emas. Men “Real” safida hech qachon qizil kartochka olmaganman va buning oqibatlarini tushunaman. Muxlislardan, klubdan, jamoadoshlarimdan va murabbiydan uzr so‘rayman. Biz birga qolamiz — bu klub va bu Liga chempionlari uchun!»
Chempionlar ligasida Alvaro Arbeloa jamoasining navbatdagi raqibi «Budyo-Glimt» yoki «Benfika» bo‘ladi.
"Qaymoqranglilar" keyingi uchrashuvini 1 fevral kuni Ispaniya chempionatida «Rayo Valyekano»ga qarshi o‘tkazadi.
