Opta superkompyuteri Yevropa ligasining umumiy bosqichi yakunlanganidan so‘ng joriy mavsumdagi asosiy favoritlarni e’lon qildi.
Garchi yakunda birinchi o‘rinni Fransiyaning «Lion» jamoasi egallagan bo‘lsa-da, Opta uni chempionlikka da’vogarlar orasida faqat to‘rtinchi o‘ringa qo‘ydi.
Asosiy favorit sifatida 43,29 foiz ehtimol bilan «Aston Villa» ko‘rsatilgan. Birmingemliklar jadvalda ikkinchi o‘rinni egallagan va «Lion»dan faqat qo‘shimcha ko‘rsatkichlar orqali ortda qolgan edi.
Keyingi o‘rinlarda «Roma» (10,1%), «Portu» (9,3%), «Lion» (7,5%) va «Nottingem» (5,3%) joy olgan. Qolgan jamoalarning chempionlik ehtimoli 5 foizdan ham past deb baholangan.
Ma’lumot uchun, «Roma» pley-offga 8-o‘rin bilan, «Portu» 5-o‘rin, «Nottingem» esa 13-o‘rin bilan yo‘l olgan.
