Opta суперкомпьютери Европа лигасининг умумий босқичи якунланганидан сўнг жорий мавсумдаги асосий фаворитларни эълон қилди.
Гарчи якунда биринчи ўринни Франциянинг «Лион» жамоаси эгаллаган бўлса-да, Opta уни чемпионликка даъвогарлар орасида фақат тўртинчи ўринга қўйди.
Асосий фаворит сифатида 43,29 фоиз эҳтимол билан «Астон Вилла» кўрсатилган. Бирмингемликлар жадвалда иккинчи ўринни эгаллаган ва «Лион»дан фақат қўшимча кўрсаткичлар орқали ортда қолган эди.
Кейинги ўринларда «Рома» (10,1%), «Порту» (9,3%), «Лион» (7,5%) ва «Ноттингем» (5,3%) жой олган. Қолган жамоаларнинг чемпионлик эҳтимоли 5 фоиздан ҳам паст деб баҳоланган.
Маълумот учун, «Рома» плей-оффга 8-ўрин билан, «Порту» 5-ўрин, «Ноттингем» эса 13-ўрин билан йўл олган.
