Chorshanba kuni Madridning “Real” klubi safarda “Benfika”ga 2:4 hisobida mag‘lub bo‘lib, Chempionlar ligasining 1/8 finaliga to‘g‘ridan-to‘g‘ri yo‘llanmadan mahrum bo‘ldi. “Qaymoqranglilar” uchun omadsiz o‘yindan so‘ng matbuotda mavsumni “qutqarish” uchun tarkibni kuchaytirish zarurligi haqida yana gap-so‘zlar paydo bo‘ldi, ammo, ko‘rinishidan, qishki transferlar bo‘lmaydi.
Jurnalist Xose Feliks Dias ma’lumotlariga ko‘ra, klub rahbariyati qat’iy qaror qilgan: bu qishda Alvaro Arbeloa jamoasiga hech kim qo‘shilmaydi. Madrid grandi rahbarlari mavjud tarkib sifat va chuqurlik jihatidan barcha talablarga javob beradi, deb hisoblamoqda.
“Real” La Liga jadvalida ikkinchi o‘rinni egallab turibdi va “Barselona”dan bir ochko orqada qolmoqda. Ispaniya Kubogidan esa madridliklar allaqachon chiqib ketgan.
