Чоршанба куни Мадриднинг “Реал” клуби сафарда “Бенфика”га 2:4 ҳисобида мағлуб бўлиб, Чемпионлар лигасининг 1/8 финалига тўғридан-тўғри йўлланмадан маҳрум бўлди. “Қаймоқранглилар” учун омадсиз ўйиндан сўнг матбуотда мавсумни “қутқариш” учун таркибни кучайтириш зарурлиги ҳақида яна гап-сўзлар пайдо бўлди, аммо, кўринишидан, қишки трансферлар бўлмайди.
Журналист Хосе Феликс Диас маълумотларига кўра, клуб раҳбарияти қатъий қарор қилган: бу қишда Альваро Арбелоа жамоасига ҳеч ким қўшилмайди. Мадрид гранди раҳбарлари мавжуд таркиб сифат ва чуқурлик жиҳатидан барча талабларга жавоб беради, деб ҳисобламоқда.
“Реал” Ла Лига жадвалида иккинчи ўринни эгаллаб турибди ва “Барселона”дан бир очко орқада қолмоқда. Испания Кубогидан эса мадридликлар аллақачон чиқиб кетган.
