"Qizillar" ECHLning umumiy bosqichida uchinchi o‘rinni egalladi va to‘g‘ridan-to‘g‘ri 1/8 finalga yo‘l oldi. APLda jamoa peshqadam "Arsenal"dan 14 ochko ortda qolib, 6-o‘rinda bormoqda.
"ECHLning top-8ligiga qarasangiz, u yerda 5ta ingliz klubi bor, bu Premyer-liganing kuchidan darak beradi.
Natijalarimizga bir xil futbolchilar bilan o‘tkazilgan o‘yinlar soni ta’sir ko‘rsatdi, bu ba’zi o‘yinlarda, ayniqsa, futbolchilar moslashishi kerak bo‘lgan dastlabki bosqichlarda sezilarli bo‘ldi. Hozir bizda asosan bir xil futbolchilar maydonga tushmoqda, ish kunlaridagi o‘yin dam olish kunlaridagi o‘yinlarimizning ba’zi jihatlariga ta’sir qildi.
Premyer-ligada Chempionlar Ligasiga qaraganda jismoniy kurash ko‘proq. "Marsel" yoki "Qorabog‘"dan autdan uzun pas ko‘rmadim, standart vaziyatlar umuman boshqa daraja, shuning uchun Angliyada o‘yinning bu qismi ECHLdagidan yaxshiroq rivojlangan.
Chempionlar Ligasida ham ikki jarima maydoni o‘rtasida juda yaxshi o‘ynaydigan jamoalarga duch keldik. Premyer-ligada e’tibor jarima maydonida o‘ynashga qaratiladi, jarima maydoniga yorib kirish kerak", - dedi Slot.
