"Manchester Yunayted"ning afsonaviy sobiq futbolchisi Pol Skoulz "Arsenal"ning hujumkor yarim himoyachisi Martin Edegorning o‘yini haqida o‘z fikrini bildirdi.
Angliyalik futbolchining so‘zlariga ko‘ra, "kanonirlar" sardori bu mavsumda jamoaning ijodkorlik muammolarining sabablaridan biridir.
"Edegor 10-raqamli futbolchi bo‘lishni xohlaydi va uning vazifasi jamoani yaxshi futbol o‘ynashga majburlash, hatto o‘yin yaxshi ketmayotgan paytda ham.
Men yorqin, hujumkor futbolni nazarda tutyapman. U buni qila olmaydi. U orqaga chekinadi", – dedi Skoulz.
