Saudiya Arabistonining "Al-Ittihod" klubi hujumchisi Karim Benzema jamoani tark etishga qat’iy qaror qilgan. Bu haqda ESPN xabar bermoqda.
Manbaga ko‘ra, 38 yoshli fransuz Yevropaga qaytish yoki MLSga ko‘chib o‘tish imkoniyatini ko‘rib chiqmoqda. Benzemaning "Al-Ittihod" bilan shartnomasi yozda o‘z nihoyasiga yetadi va futbolchi yangi shartnoma imzolash niyatida emas. Avvalroq, hujumchi shartnomani uzaytirish taklifini nomunosib deb hisoblagani uchun maydonga tushishdan bosh tortgandi.
Joriy mavsumda Benzema barcha turnirlar bo‘yicha 21 ta o‘yinda maydonga tushdi va 16 ta gol urdi.
