"Real" va "Barselona" "Bavariya" himoyachisi Dayo Upamekanoning xizmatlariga qiziqish bildirmoqda. Bu haqda TEAMtalk xabar berdi.
Shuningdek, futbolchiga "Liverpul", "Chelsi", "Tottenxem" va "Inter" klublari da’vogarlik qilmoqda. Yuqoridagi jamoalar allaqachon futbolchi bilan muzokara o‘tkazgan. Upamekanoning "Bavariya" bilan mehnat shartnomasi yozda yakunlanadi.
Myunxenliklar futbolchiga shartnomani uzaytirish taklifi bir necha hafta amal qilishini ma’lum qilgan. "Bavariya" hamon Dayo Upamekano bilan shartnoma imzolash imkoniyatiga ishonmoqda, biroq klub futbolchiga bo‘lgan qiziqish darajasidan jiddiy xavotirda.
