"Реал" ва "Барселона" "Бавария" ҳимоячиси Дайо Упамеканонинг хизматларига қизиқиш билдирмоқда. Бу ҳақда TEAMtalk хабар берди.
Шунингдек, футболчига "Ливерпуль", "Челси", "Тоттенхэм" ва "Интер" клублари даъвогарлик қилмоқда. Юқоридаги жамоалар аллақачон футболчи билан музокара ўтказган. Упамеканонинг "Бавария" билан меҳнат шартномаси ёзда якунланади.
Мюнхенликлар футболчига шартномани узайтириш таклифи бир неча ҳафта амал қилишини маълум қилган. "Бавария" ҳамон Дайо Упамекано билан шартнома имзолаш имкониятига ишонмоқда, бироқ клуб футболчига бўлган қизиқиш даражасидан жиддий хавотирда.
