Italiyaning «Yuventus» klubi 19 yoshli nemis vingeri Adin Lichinani transfer qilish bo‘yicha kelishuvga erishdi. Bu haqda futbol insayderi Fabrisio Romano o‘zining Telegram-kanalida xabar qildi.

Ma’lum qilinishicha, turinliklar futbolchini «Bavariya»dan sotib olgan. Shu bilan birga, myunxenliklar Lichinaning kelajakdagi sotuvidan 30 foiz ulushni saqlab qoladi.

Adin Lichina «Bavariya»ning eng istiqbolli yosh futbolchilaridan biri hisoblanadi. Unga «Real», «Barselona», «Leypsig» va Dortmundning «Borussiya»si ham qiziqish bildirgan.