«Arsenal» bosh murabbiyi Mikel Arteta joriy mavsum yakunida jamoa Angliya chempioni bo‘lmasa, o‘z lavozimini yo‘qotishi mumkin.

Fichajes nashri yozishicha, klub rahbariyati bunday ultimatumni asosli deb hisoblamoqda. Chunki mavjud sharoit va jamoaning turnir jadvalidagi hozirgi o‘rnini inobatga olganda, chempionlikdan boshqa har qanday natija omadsizlik sifatida baholanadi.

«Arsenal» APLda 24 ta o‘yin o‘tkazib, 16 ta g‘alaba qozongan, 3 marta mag‘lub bo‘lgan va 5 ta uchrashuvni durang bilan yakunlagan. Londonliklar 53 ochko bilan jadvalda birinchi o‘rinda bormoqda va «Manchester Siti»ni 7 ochkoga ortda qoldirgan. Shu bilan birga, Gvardiola jamoasining bitta zaxira o‘yini bor.