«Liverpul» hujumchisi Muhammad Saloh «Nyukasl»ga qarshi o‘yinda (4:1) golli uzatma berib, yangi rekord o‘rnatdi.

67-daqiqada misrlik futbolchi Florian Virsga assist qildi. Bu Salohning APL doirasida «Enfild» stadionidagi 152-golli harakati bo‘ldi. Squawka ma’lumotiga ko‘ra, bu bir stadionda eng ko‘p golli harakat bo‘yicha yangi rekord hisoblanadi. U bu ko‘rsatkichda Tyerri Anri («Xayberi»da 151) va Ueyn Runini («Old Trafford»da 151) ortda qoldirdi.

Muhammad Saloh «Liverpul» safida 2017 yildan beri o‘ynab keladi. Joriy APL mavsumida u 4 ta gol urdi va 5 ta golli uzatma berdi.