«Ливерпуль» ҳужумчиси Муҳаммад Салоҳ «Ньюкасл»га қарши ўйинда (4:1) голли узатма бериб, янги рекорд ўрнатди.

67-дақиқада мисрлик футболчи Флориан Вирцга ассист қилди. Бу Салоҳнинг АПЛ доирасида «Энфилд» стадионидаги 152-голли ҳаракати бўлди. Squawka маълумотига кўра, бу бир стадионда энг кўп голли ҳаракат бўйича янги рекорд ҳисобланади. У бу кўрсаткичда Тьерри Анри («Хайбери»да 151) ва Уэйн Рунини («Олд Траффорд»да 151) ортда қолдирди.

Муҳаммад Салоҳ «Ливерпуль» сафида 2017 йилдан бери ўйнаб келади. Жорий АПЛ мавсумида у 4 та гол урди ва 5 та голли узатма берди.