Maykl Kerrik «Manchester Yunayted» bosh murabbiyi sifatida Ruben Amorim qayd etgan eng uzoq g‘alabali seriyani takrorladi.
Kerrik qo‘l ostida mankunianlar APLda uchta o‘yinning uchtasida ham g‘alaba qozondi. Bugun jamoa «Fulxem»ni 94-daqiqada gol urib, 3:2 hisobida mag‘lub etdi.
«MYU» Angliya Premyer-ligasida ketma-ket yetti o‘yindan beri yutqazmayapti — bu 2022 yil fevral oyidan beri ilk bor. O‘shanda jamoani Ralf Rangnik boshqargan edi. Ushbu seriya davomida jamoa 4 ta g‘alaba va 3 ta durang qayd etdi.
Ayni paytda bu APLdagi barcha jamoalar orasidagi eng uzoq amaldagi mag‘lubiyatsiz seriya hisoblanadi.
