"Bavariya" markaziy himoyachisi Dayo Upamekano amal qilish muddati tugaydigan shartnomasini uzaytirmasligi mumkin. Fransuz futbolchisi hali Myunxen klubining taklifiga javob bermadi.
Sky Sport nashri xabariga ko‘ra, Myunxen klubi rahbariyati sabrini yo‘qotmoqda va 27 yoshli futbolchiga tezda yakuniy "ha" yoki "yo‘q" javobini eshitish uchun bosimni kuchaytirmoqda — aks holda taklif qaytarib olinadi.
Bir narsa aniq: "Bavariya" Upamekanoga yaxshilangan shartlarni taklif qilmaydi. Klub bu kelishuvni futbolchi uchun "juda foydali" deb biladi. Germaniyaning amaldagi chempionlari rahbarlari umidsizlikka tushib, mavsum oxirida himoyachining erkin transferga ketishiga deyarli rozi bo‘lishdi.
