"Nyukasl" yarim himoyachisining agenti Sandro Tonali futbolchining Londonning "Arsenal" klubi bilan muzokara o‘tkazgani haqidagi ma’lumotni rad etdi.
Uning so‘zlariga ko‘ra, "qarg‘alar" futbolchini kamida yozgacha hech qayerga qo‘yib yubormaydi.
"Biz hech qachon "Arsenal" bilan muzokara o‘tkazmaganmiz. "Nyukasl" Tonalini yanvarda qo‘yib yubormasligi aniq. Biz buni muhokama ham qilmadik," - deya agentning so‘zlarini keltiradi Fabrisio Romano.
Tonalining "Nyukasl" bilan amaldagi shartnomasi 2028 yilning 30 iyuniga qadar imzolangan. 25 yoshli futbolchining narxi 75 mln yevroni tashkil etadi.
2025/2026 yilgi mavsumda Tonali barcha turnirlarda 35 ta o‘yinda maydonga tushib, beshta golli uzatmani amalga oshirdi.













