FIFA kengashi Rossiya terma jamoasini yaqin vaqt ichida xalqaro musobaqalarga qaytarish masalasini ko‘rib chiqmaydi.
Avvalroq, FIFA prezidenti Janni Infantinoning tegishli bayonotidan so‘ng, Rossiya terma jamoasi 30 aprel kuni tashkilot kongressining Vankuverdagi yig‘ilishida musobaqalarga qaytarilishi mumkinligi haqida xabar berilgan edi.
The Times xabariga ko‘ra, FIFA Kengashida Rossiyadan taqiqni olib tashlashni istiqbolsiz deb hisoblashmoqda.
Avvalroq Infantino taqiq ishlamayotgani va uni olib tashlash kerakligini aytgandi. Bundan tashqari, u Isroilni chetlatish kerak emasligini va umuman, u hech qanday cheklovlar tarafdori emasligini aytdi.













