«Barselona» bosh murabbiyi Xansi Flik Mundo Deportivo gazetasining 120 yilligi munosabati bilan o‘tkazilgan gala-tadbirda qatnashib, klubdagi ishi haqida gapirdi.
«Men ilk bor “Kamp Nou”ga kelganimda, bir kuni shu zaxira o‘rindig‘ida o‘tiraman, deb o‘zimga aytganman. Men bu klubni juda yaxshi ko‘raman. Men uchun u dunyodagi eng yaxshi klub.
Barselonada yashashni juda qadrlayman. Odamlar murabbiylar shtabiga nisbatan juda iliq munosabatda.
Bu yerda ishlash ajoyib. Prezidentimiz zo‘r, murabbiylar shtabi fantastik. Futbolchilar esa ajoyib.
Biz juda yaxshi muhit yaratdik. Sovrinlar yutish va muvaffaqiyatga erishish men uchun juda muhim. Hozir juda go‘zal davrni boshdan kechiryapmiz», — dedi Xansi Flik.













