Saudiyaning «Al-Hilol» klubi ijtimoiy tarmoqlarda fransiyalik hujumchi Karim Benzemaning yangi jamoa ramzlari bilan tushgan ilk suratlarini e’lon qildi. Bir kun oldin u «Al-Ittihod»dan «Al-Hilol»ga ko‘chib o‘tgan edi.
Avvalroq OAV Benzema «Al-Ittihod» taklif qilgan yangi shartnomani rad etganini yozgan. Fransuz futbolchisi Saudiya Arabistoni chempionatida 2023 yil yozidan beri to‘p surib kelayotgan edi. Joriy mavsumda u barcha musobaqalarda 21 ta o‘yinda qatnashib, 16 ta gol urdi.
Shuningdek, mish-mishlarga ko‘ra, Benzemaning «Al-Ittihod»dan «Al-Hilol»ga o‘tishiga «An-Nasr» forvardi Krishtianu Ronaldu qarshi chiqqan. Eslatib o‘tamiz, Saudiya Arabistoni Davlat investisiya jamg‘armasi «An-Nasr», «Al-Ittihod», «Al-Hilol» va «Al-Ahli» klublariga egalik qiladi.
