Fransiya terma jamoasi yarim himoyachisi N'Golo Kante erkin agentga aylandi. «Al-Ittihod» klubi o‘zining rasmiy saytida 34 yoshli fransuzning jamoadan ketganini e’lon qildi.

«Klub o‘yinchining jamoada o‘tkazgan davrini va chempionlikni qo‘lga kiritishdagi hissasini yuqori baholaydi. Unga faoliyatining keyingi bosqichida muvaffaqiyatlar tilaymiz», — deb yozadi klub matbuot xizmati.

Kante «Al-Ittihod» safida 2023 yildan buyon to‘p surib kelayotgan edi. Joriy mavsumda u 26 ta o‘yinda maydonga tushib, 2 ta gol urdi va 1 ta golli uzatmani amalga oshirdi.