Франция терма жамоаси ярим ҳимоячиси Н'Голо Канте эркин агентга айланди. «Ал-Иттиҳод» клуби ўзининг расмий сайтида 34 ёшли французнинг жамоадан кетганини эълон қилди.
«Клуб ўйинчининг жамоада ўтказган даврини ва чемпионликни қўлга киритишдаги ҳиссасини юқори баҳолайди. Унга фаолиятининг кейинги босқичида муваффақиятлар тилаймиз», — деб ёзади клуб матбуот хизмати.
Канте «Ал-Иттиҳод» сафида 2023 йилдан буён тўп суриб келаётган эди. Жорий мавсумда у 26 та ўйинда майдонга тушиб, 2 та гол урди ва 1 та голли узатмани амалга оширди.
