Madridning "Atletiko" klubi hujumchisi Xulian Alvares Pedrini jahon futbolidagi eng yaxshi o‘yinchilardan biri deb hisoblashini tan oldi.
Argentinalik futbolchi o‘zining orzusidagi jamoani tuzar ekan, "Barselona" yarim himoyachisini tanladi: "Men Pedrini dunyoning eng yaxshi o‘yinchilaridan biri deb bilaman", — deya o‘z tanlovini tushuntirdi "matraschilar"ning yulduz forvardi. Uning so‘zlaridan Ispaniya OAVlari iqtibos keltirmoqda.
Xulian Alvaresning kataloniyaliklar safiga o‘tishi haqidagi xabarlar anchadan beri tarqalib yuribdi. Mish-mishlarga ko‘ra, 26 yoshli o‘yinchi "ko‘k-anorranglilar" tarkibida o‘z kuchini sinab ko‘rishdan mamnun bo‘lardi, biroq futbolchining 100 million yevrodan ortiq bo‘lgan yuqori bahosi bunga to‘siq bo‘lishi mumkin.
Eslatib o‘tamiz, Pedri 2025 yilgi "Oltin to‘p" so‘rovnomasi natijalariga ko‘ra 11-o‘rinni egallagan edi.
