Мадриднинг "Атлетико" клуби ҳужумчиси Хулиан Альварес Педрини жаҳон футболидаги энг яхши ўйинчилардан бири деб ҳисоблашини тан олди.

Аргентиналик футболчи ўзининг орзусидаги жамоани тузар экан, "Барселона" ярим ҳимоячисини танлади: "Мен Педрини дунёнинг энг яхши ўйинчиларидан бири деб биламан", — дея ўз танловини тушунтирди "матрасчилар"нинг юлдуз форварди. Унинг сўзларидан Испания ОАВлари иқтибос келтирмоқда.

Хулиан Альвареснинг каталонияликлар сафига ўтиши ҳақидаги хабарлар анчадан бери тарқалиб юрибди. Миш-мишларга кўра, 26 ёшли ўйинчи "кўк-анорранглилар" таркибида ўз кучини синаб кўришдан мамнун бўларди, бироқ футболчининг 100 миллион евродан ортиқ бўлган юқори баҳоси бунга тўсиқ бўлиши мумкин.

Эслатиб ўтамиз, Педри 2025 йилги "Олтин тўп" сўровномаси натижаларига кўра 11-ўринни эгаллаган эди.